七個人，七段真實堅持。

佢哋未必最勁，
甚至有人病過、傷過、懷疑過。
但冇一個人選擇放棄。

每個人，都活緊佢自己嗰種「更好」。

更好，係佢繼續做，因為佢覺得自己值得。

佢曾經連落樓梯都冇力，
做化療嗰陣，每郁一下都耗盡力氣。

而家，Ronnie 幾早都肯起身去做 gym。練得幾多唔重要，最緊要冇停過。

舉得重唔重，做到幾多 reps，從來唔係重點。因為佢知道，健康唔係應份，而係儲番嚟。

更好，係佢知自己有限，但從來冇收埋熱血。

佢細個入過深切治療部，差啲要做換心手術。醫生話唔可以打得太激烈，但佢手機入面全部都係籃球片。

日日睇波，日日想落場。

只要有得打波，Ody 就會唔記得時間，唔記得自己曾經病過。

佢唔知將來打唔打到職業，但每次上場，都係真心鍾意。

更好，唔係因為佢冇事，而只係佢冇走。

佢斷過腳，開過三次刀。痛過、等過，復康做過無數次。

幾年無比賽，啲人以為佢唔跳喇。
其實，佢一直未放低。

佢唔講高度，唔講回歸。

Ceci只係想，再跳一次。

Join Us

Featured Product

更好，係佢將唔公平，變成自己嘅底氣。

佢住喺山上，每日跑落山返學，放學跑返上山，唔係為訓練，只係為慳車錢。

屋企狀況唔好，佢慣咗靠對腳撐住成個人。第一次參加越野學界就攞冠軍。其實冇刻意練，Hanna只係日日都咁樣過。

有啲人覺得呢啲係辛苦，但對佢嚟講，已經係日常。

更好，係佢哋知時間唔多，所以選擇出盡力。

有得打，就唔放手。有冇人工、曬唔曬、值唔值——唔重要。

重要係，你知仲有力，就會想再試多次。

Join Us

更好，係佢冇再望人，只望住自己。

佢跳咗二十六年舞，唔係為表演，唔係為掌聲。

大部分時間，喺排練室，望住鏡，重複同一個動作。冇人數過佢做咗幾多次，只有佢知道自己有冇進步。

練舞對小彦嚟講，係睇清楚自己。

更好係 次次攰到喘氣，但講起嚟，都會笑。

佢每日練側手翻，
落地唔穩就再試過。

對八歲嘅 Skyla 嚟講，
做到一個難嘅動作——係開心事。

呢日，練側手翻嘅八歲女孩
話畀我哋知：辛苦，可以唔係難受，
可以係快樂開始嘅地方。

Join Us

Aim Higher Club 一直都唔係講你要幾成功，而係講你點樣一次又一次，跌低咗都會再企番起身。

你嗰種更好，又係咩？

加入 Aim Higher Club

Featured Logo Tee

View all